Лідар АГП Мікалай Казлоў пачаў адбываць трохмесячны тэрмін зняволення
Старшыня Аб'яднанай грамадзянскай партыі Мікалай Казлоў 6 жніўня быў асуджаны на 3 месяцы арышту за выдаванне дадзеных следства. Сёння, 28 снежня, прысуд па ягонай справе ўступіў у сілу, і Мікалай пачаў адбываць прызначаны судом тэрмін.
Паводле інфармацыі АГП, Казлоў сам прыйшоў у Цэнтральны РАУС да 18.00 па позве. Яго праводзілі таварышы.
Напярэдадні арышту Казлоў сказаў:
«Гэта крымінальная справа, у якой адсутнічае крымінал. Наогул. Прысуд заснаваны на глыбакадумных намёках, а не якіх-небудзь фактах. Гэта яшчэ адзін ганебны прысуд. Я не збіраюся нікуды з'язджаць, не маю намеру пакідаць сваю краіну. Прайду гэты шлях разам з беларусамі».
Абарона Мікалая Казлова падавала на апеляцыю, аднак другая інстанцыя пакінула прысуд у сіле. Наступную скаргу суд яшчэ не разглядаў, але гэта не перашкодзіла адправіць Казлова адбываць пакаранне.
«У аднамесным карцары так і сядзелі: я і шасцёра бамжоў». Лідар АГП пра 15 сутак на Акрэсціна
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары