Навукоўцы дазналіся, чаму вялікія белыя акулы нападаюць на людзей
Даўно існавалі меркаванні, што вялікія белыя акулы кусаюць людзей, таму што блытаюць іх з іншымі істотамі. Цяпер вучоныя знайшлі гэтаму пацверджанне.
Даследчыкі з Універсітэта Макуоры ў аўстралійскім Сіднэі высветлілі: маладыя белыя акулы ўспрымаюць людзей, што плаваюць або займаюцца сёрфінгам, як вельмі падобных да цюленяў і марскіх ільвоў, распавядае CNN.
Каб прыйсці да такіх высноў, навукоўцы вывучылі і параўналі відэазапісы з падводным плаваннем цюленяў, марскіх ільвоў і людзей, а таксама запісы з заняткамі сёрфінгам. Даныя пра акул, што ўжо вядомыя навуцы, дазволілі стварыць праграмы, што сімулююць, як маладая белая акула бачыць рухі і формы розных аб’ектаў.
Пры гэтым важна, што большасць акул не распазнаюць колеры. Таму колеры купальніка ці дошкі для сёрфінга не ўплывае на тое, як акула ўспрымае чалавека.
Выпадкі, калі акулы кусаюць людзей, здараюцца не так часта, але за апошнія 20 гадоў іх колькасць моцна вырасла. Вялікіх белых акул лічаць самай вялікай драпежнай рыбай у свеце. Пры гэтым віду пагражае знішчэнне, бо колькасць вялікіх белых акул зніжаецца.
У Босніі 72-гадовы мужчына пабудаваў для жонкі дом, які круціцца, каб у яе быў разнастайны від з акна
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары