Нямецкія сацыял-дэмакраты (СДПГ) на чале з Олафам Шольцам лідзіруюць на выбарах у Бундэстаг з 26%, вынікае са звестак экзіт-полаў даследчага інстытута Mannheimer Forschungsgruppe Wahlen для тэлеканала ZDF.
Блок нямецкіх кансерватараў (ХДС/ХСС) на чале з Армінам Лашэтам займае другое месца з 24%. «Саюз 90/Зялёныя» на чале з Аналенай Бербок — трэція з 14,5%. На чацвёртым месцы свабодныя дэмакраты з 12%, правая «Альтэрнатыва для Нямеччыны» набірае 10%, «Левыя» таксама праходзяць у парламент з 5%.
У сваю чаргу, як сведчаць экзіт-полы сацыялагічнага інстытута Infratest dimap для грамадска-прававога тэлеканала ARD, блок Хрысціянска-дэмакратычнага і Хрысціянска-сацыяльнага саюзаў і Сацыял-дэмакратычная партыя Германіі набіраюць па 25%.
Выбары ў Бундэстаг ФРГ прайшлі ў нядзелю, амаль 60 тысяч выбарчых участкаў па ўсёй краіне працавалі да 18:00 (19:00 па Мінску).
Па выніках выбараў у Бундэстаг сфарміруюць новы ўрад Германіі на чале з новым канцлерам. Ангела Меркель (ХДС / ХСС), якая займала пасаду кіраўніка германскага Кабміна на працягу 16 гадоў, не прэтэндуе на новы тэрмін.
Цяпер чытаюць
«Яна была спартыўнай дзяўчынай». Што вядома пра загінулую пасажырку дэльтаплана, які ўпаў пад Мінскам1
Каментары