Да 15 тысяч даляраў за паездку. У Літве выйшла расследаванне пра незаконную міграцыю праз Беларусь
Журналісты літоўскага тэлебачання апублікавалі расследаванне рэзкага павелічэння патоку нелегальных мігрантаў з Беларусі ў Літву.
Колькасць нелегалаў вырасла ў дзясяткі разоў пасля ўвядзення еўрапейскіх санкцый. Але апошнія дні паток мігрантаў, якія незаконна перасякаюць літоўскую мяжу з боку Беларусі, пайшоў на спад, кажа Індрэ Макарайціце, кіраўніца бюро расследаванняў.
Індрэ Макарайціце ў інтэрв'ю расійскай службе «Радыё Свабода» распавяла:
- Колькасць нелегалаў вырасла пасля інцыдэнту з самалётам Ryanair у Мінску, рост назіраўся пачынаючы з другой паловы мая, увесь чэрвень і ліпень. Але і да пасадкі самалёта іх ужо было больш, чым у 2020 і 2019 гадах.
- Павелічэнне колькасці нелегалаў нясе праблему для Літвы. Краіна ніколі раней не сутыкаліся з такім патокам. Усе яны просяць палітычнага прытулку. У Літвы проста няма інфраструктуры, каб пасяліць усіх гэтых людзей.
- Літва не можа дэпартаваць гэтых людзей назад у Беларусь. Лукашэнка сказаў, што дэнансуе дамову аб рэадмісіі з ЕС. Дэпартацыя магчымая толькі ў краіны, адкуль яны прыехалі. Простых рэйсаў з Вільні ў Багдад або Тэгеран няма. Ёсць рэйсы ў Стамбул, працэдура дэпартацыі праз трэція краіны вельмі доўгая і цяжкая.
- У Іраку тыя, хто хочуць з'ехаць, проста купляюць турыстычную паездку і атрымліваюць турыстычную візу ў Беларусь. Яны селяцца ў гатэлях. Яны апавядаюць, што жывуць там 3—4 дні, пасля чаго да іх прыязджае ўжо беларускі праваднік, які вязе іх да мяжы і адпускае, паказваючы: «Еўропа — там». Гэтыя праваднікі кажуць мігрантам, што з другога боку іх будзе чакаць машына з літоўскім ці курдскім кіроўцам, якая адвязе іх адразу ў Нямеччыну. У пакет коштам 15 000 даляраў уваходзіць менавіта шлях з Курдыстана да Нямеччыны.
- Літоўскія ўлады кажуць, што беларускія памежнікі дапамагаюць мігрантам. Ад саміх мігрантаў мы ведаем толькі, што яны нібыта не замінаюць.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары