Рыбак са Слуцка, які стаў героем вогненнага відэа: «Мне не трэба вядомасці. Прыходжу, лаўлю рыбу»
Ён нават не падазрае, наколькі папулярным стаў яго вобраз.
Слуцкая газета «Кур'ер» знайшла спакойнага рыбака, які працягваў лавіць рыбу, нягледзячы на полымя ад падпаленай травы, якое шугала за ім. І ён нават не падазрае, наколькі папулярным стаў яго вобраз.
«Я наогул нічога беларускага не гляджу. Я гляджу толькі расійскія каналы. «Кур'ер» ваш раней выпісваў. Цяпер ён дарагі. Для пенсіянера дорага атрымліваецца», — сказаў ён.
Відэа газеты «Кур'ер», апублікаванае на розных інтэрнэт-пляцоўках, стала вірусным і сумарна на розных платформах дзясяткаў выданняў Беларусі, Расіі і Украіны менш чым за суткі набрала больш за мільён праглядаў.
Герой відэа адмовіўся наогул хоць неяк каментаваць учорашнюю рыбалку: «Мне не трэба вядомасці. Прыходжу, лаўлю рыбу. А што я сядзеў, дзе я сядзеў. Я інтэрв'ю не даю. Гэта мая асабістая справа. Калі хочаце, прыязджайце: тут пастаянна рыбакоў сядзіць з 29-й танкавай дывізіі. Увесь час тут ловяць. Прыязджайце сюды, на рэчку ў любы час і будзем тут гутарыць».
Наконт пажару ён сказаў: «Кожны год пажары гэтыя. Тут нічога новага няма. І кожны год гэтыя пажарнікі, іх увесь час выклікаюць і выклікаюць».
Імя случчака рэдакцыя па яго просьбе не называе.
Цяпер чытаюць
«Яна была спартыўнай дзяўчынай». Што вядома пра загінулую пасажырку дэльтаплана, які ўпаў пад Мінскам2
Каментары