Брытанскія навукоўцы выявілі, што ДНК жывёл і чалавека можна ўзяць проста з паветра.
Згодна з новым даследаваннем, распрацоўка навукоўцаў дазволіць стварыць тэхналогію, якая будзе карыснай у судовай медыцыне, археалогіі, экалогіі і іншых сферах, піша Sky News.
Людзі і жывёлы пакідаюць сваю ДНК літаральна паўсюль. Узоры ДНК можна знайсці ў вадзе, глебе і паветры. Гэта з’яўляецца важнай крыніцай інфармацыі пра формы жыцця, якія насяляюць або насялялі нашу планету.
Каманда навукоўцаў пад кіраўніцтвам Элізабет Клэр, старшай выкладчыцы Лонданскага ўніверсітэта каралевы Марыі, апублікавала першыя доказы таго, што пробы паветра могуць быць крыніцай ДНК жывёл і людзей.
ДНК раслін і грыбоў збіралі з паветра і раней, але аналагічных даследаванняў для жывёл не было.
Даследчыкі памясцілі ў пакой голых землякопаў, і яны доўгі час жылі ў адным і тым жа месцы. У голых землякопаў няма поўсці, таму гэта павялічвала імавернасць, што яны пакінуць у пакоі шмат клетак скуры, якія з’яўляюцца найлепшай крыніцай ДНК.
З дапамогай фільтраў даследчыкам удалося вылавіць ДНК землякопаў з паветра. Кампанент фільтра знаходзіцца ў пластыкавай камеры, якая захоўвае ўзоры ДНК стэрыльнымі, а помпа ўцягвае паветра ў сістэму фільтрацыі, што дазваляе эфектыўна збіраць ДНК з паветра.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары