Стала вядома, калі ў Беларусі пачнуць прышчапляць ад каранавіруса ўсіх жадаючых
Міністр аховы здароўя Дзмітрый Піневіч распавёў пра вакцынацыю супраць каранавіруса ў Беларусі: падпісаны кантракт на 170 тысяч вакцын «Спадарожнік V», паведамляе СТБ.
— Гэта першая партыя вакцын, якая да нас паступіла. Яна адпаведным чынам разбіта на некалькі дробных партый. Да Новага года паступіла 20 тысяч вакцын, была пройдзеная праверка якасці і бяспекі, — сказаў Піневіч.
Зараз працягваецца вакцынацыя медыцынскіх супрацоўнікаў. Міністэрства аховы здароўя чакае паступленне наступнай партыі прэпарата ў найбліжэйшы час, тады пачнуць прывіваць педагогаў.
— У першым квартале гэтага года мы павінны выпусціць ужо пад беларускім брэндам вакцыну «Спутнік V» сумесна з нашымі расійскімі калегамі на магутнасцях айчыннага фармпрадпрыемства «Белмедпрэпараты», — растлумачыў міністр.
Па словах Піневіча, гэта будзе магчыма прыкладна з красавіка, калі завершыцца вакцынацыя ўразлівых і кантраляваных груп насельніцтва. Гаворка ідзе пра медработнікаў, педагогаў, супрацоўнікаў транспарту, гандлю, работнікаў СМІ.
— Тады пачнём працаваць і па іншых групах, — дадаў кіраўнік Міністэрства аховы здароўя.
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?7
Каментары