Аляксей Навальны знаходзіцца ў федэральным вышуку з 29 снежня 2020 года
Расійскі палітык Аляксей Навальны знаходзіцца ў федэральным вышуку з 29 снежня 2020 года, піша Meduza.
Адвакат Вадзім Кобзеў пацвердзіў «Медыязоне» інфармацыю аб вышуку. У каментары «МБХ медыя» ён сказаў, што Навальны не ведаў пра вышук, калі 13 студзеня абвясціў пра рашэнне вярнуцца ў Расію 17 студзеня.
«Мы пра гэта даведаліся ўчора, пасля таго, як ён абвясціў [пра вяртанне ў Расію]», — паведаміў Кобзеў.
«Адкрытым медыя» Кобзеў сказаў, што спецыяльна наконт вышуку ён з Навальным не размаўляў, але ўпэўнены, «што гэта ніяк не ўплывае на яго намер вярнуцца».
Вышук звязаны з крымінальнай справай «Іў Рашэ», па якой Навальнага асудзілі ўмоўна, прызначыўшы выпрабавальны тэрмін пяць гадоў. Ён заканчваўся 30 снежня 2020-га.
Каментары