Віталь Шкляраў з'ехаў за мяжу. Пра яго вызваленне кіраўнік Дзярждэпа ЗША гаварыў з Лукашэнкам
Як стала вядома Tut.by, паліттэхнолаг Віталь Шкляраў пакінуў межы Беларусі. 24 кастрычніка вызваленне Віталя, у якога ёсць і амерыканскі пашпарт, абмяркоўвалі па тэлефоне Аляксандр Лукашэнка і кіраўнік Дзярждэпа ЗША. Майк Пампеа заклікаў да поўнага вызвалення і дазволу на неадкладны выезд з Беларусі Шклярава, які з'яўляецца фігурантам «справы Ціханоўскага». Сам Віталь яшчэ да затрымання заяўляў, што не быў кансультантам Сяргея Ціханоўскага і ніколі не працаваў на яго.
Як пазней пракаментаваў гэтую інфармацыю Tut.by адвакат Віталя, следства па крымінальнай справе не скончана.
— Мы напісалі хадайніцтва аб дазволе на выезд, яго задаволілі, таму Віталь з'ехаў адразу да сям'і і паправіць сваё здароўе пасля перанесенага каранавіруса, — растлумачыў Антон Гашынскі. — Маці засталася лячыцца ў Мінску, знаходзіцца ў шпіталі, Віталь вернецца ў Мінск, таму што насамрэч нічога не змянілася — Віталь ўсё яшчэ пад следствам і падпіскай пра неразгалашэнне. Тое, што задаволілі хадайніцтва аб дазволе на выезд, безумоўна, следства званка Пампеа. Менавіта вызваленне Віталя было асноўнай мэтай і прычынай званка.
Віталь Шкляраў, ураджэнец Гомеля, жыў у ЗША.
Жонка Шклярава — грамадзянка ЗША, яна працуе ў пасольстве ў Кіеве. У Шклярава ў сувязі з гэтым ёсць амерыканскі дыппашпарт.
Віталь Шкляраў быў затрыманы 29 ліпеня ў Гомелі, куды ён прыехаў наведаць маці. Амаль тры месяцы ён знаходзіўся ў следчым ізалятары № 1 на Валадарскага.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1616
Каментары