Vital Šklaraŭ źjechaŭ za miažu. Pra jaho vyzvaleńnie kiraŭnik Dziarždepa ZŠA havaryŭ z Łukašenkam
Jak stała viadoma Tut.by, palittechnołah Vital Šklaraŭ pakinuŭ miežy Biełarusi. 24 kastryčnika vyzvaleńnie Vitala, u jakoha jość i amierykanski pašpart, abmiarkoŭvali pa telefonie Alaksandr Łukašenka i kiraŭnik Dziarždepa ZŠA. Majk Pampiea zaklikaŭ da poŭnaha vyzvaleńnia i dazvołu na nieadkładny vyjezd ź Biełarusi Šklarava, jaki źjaŭlajecca fihurantam «spravy Cichanoŭskaha». Sam Vital jašče da zatrymańnia zajaŭlaŭ, što nie byŭ kansultantam Siarhieja Cichanoŭskaha i nikoli nie pracavaŭ na jaho.
Jak paźniej prakamientavaŭ hetuju infarmacyju Tut.by advakat Vitala, śledstva pa kryminalnaj spravie nie skončana.
— My napisali chadajnictva ab dazvole na vyjezd, jaho zadavolili, tamu Vital źjechaŭ adrazu da siamji i papravić svajo zdaroŭje paśla pieraniesienaha karanavirusa, — rastłumačyŭ Anton Hašynski. — Maci zastałasia lačycca ŭ Minsku, znachodzicca ŭ špitali, Vital vierniecca ŭ Minsk, tamu što nasamreč ničoha nie źmianiłasia — Vital ŭsio jašče pad śledstvam i padpiskaj pra nierazhałašeńnie. Toje, što zadavolili chadajnictva ab dazvole na vyjezd, biezumoŭna, śledstva zvanka Pampiea. Mienavita vyzvaleńnie Vitala było asnoŭnaj metaj i pryčynaj zvanka.
Vital Šklaraŭ, uradženiec Homiela, žyŭ u ZŠA.
Žonka Šklarava — hramadzianka ZŠA, jana pracuje ŭ pasolstvie ŭ Kijevie. U Šklarava ŭ suviazi z hetym jość amierykanski dyppašpart.
Vital Šklaraŭ byŭ zatrymany 29 lipienia ŭ Homieli, kudy jon pryjechaŭ naviedać maci. Amal try miesiacy jon znachodziŭsia ŭ śledčym izalatary № 1 na Vaładarskaha.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary