За пагрозы стваральнікам пачварнага расійскага «Калабка» завялі крымінальную справу
Дзеля «Калабка» ў Расіі перанеслася прэм'ера новага «Чалавека-павука».
З-за пагроз стваральнікам расійскага фільма «Калабок» завялі крымінальную справу.
Справа была распачата за пагрозу забойствам або прычыненнем цяжкай шкоды здароўю, выказаную публічна (п. «в» ч. 2 арт. 119 КК РФ), — за каментары і асабістыя паведамленні стваральнікам «Калабка». Цяпер расійскія сілавікі зоймуцца пошукам людзей, якія пісалі такія пагрозы, паведамляе канал «Осторожно, новости».
Раней рэжысёр карціны Антон Маслаў заявіў, што на працягу двух тыдняў атрымаў у асабістых паведамленнях пагрозы і праклёны, а невядомыя пішуць пагрозы яго жонцы і сям'і.
Тэлеканал «Россия-24» (адзін са спонсараў «Калабка») звярнуўся ў пракуратуру і СК Расіі праз пагрозы ў адрас здымачнай групы «Калабка». «Стваральнікі фільма раптоўна для сябе сталі мішэнямі для ананімных званкоў і паведамленняў з пагрозамі. Ім і іх сем'ям жадалі смерці, абяцалі спаліць маёмасць», — паведаміў журналіст ВГТРК Эдуард Пятроў.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары