Прэм'ер-міністр Арменіі Нікол Пашынян і прэзідэнт Азербайджана Ільхам Аліеў заявілі пра гатоўнасць прыехаць у Маскву для перамоў па ўрэгуляванні сітуацыі ў Нагорным Карабаху. Пра гэта Пашынян і Аліеў сказалі ў інтэрв'ю расійскаму агенцтву ТАСС.
«Нагорна-карабахскі канфлікт павінен вырашацца выключна мірным шляхам, гэта наша пазіцыя. На жаль, Азербайджан не згодны з гэтым пунктам гледжання. І я гатовы прыкласці ўсе неабходныя намаганні, каб дасягнуць такога выніку, у тым ліку і паехаць, сустрэцца, пагаварыць», — сказаў прэм'ер Арменіі, адказваючы на пытанне, ці гатовы ён прыехаць у Маскву.
У сваю чаргу, Аліеў заявіў, што азербайджанскі бок гатовы «сустрэцца і ў Маскве, і ў любым іншым месцы, для таго каб пакласці канец супрацьстаянню і знайсці шляхі ўрэгулявання». Прэзідэнт запэўніў, што ў Баку «гатовыя для любых кантактаў».
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары