Грамадства1515

Калеснікава адмовілася ад сустрэчы з Лукашэнкам

Фота Надзеі Бужан

Адвакат Віктара Бабарыкі і Марыі Калеснікавай распавёў у жывым эфіры радыёстанцыі «Эхо Москвы» аб іх рэакцыі на сустрэчу Аляксандра Лукашэнкі з арыштаванымі апазіцыянерамі ў СІЗА. Па словах Аляксандра Пыльчанкі для апазіцыянераў гэта было нечакана, як адзначыў адвакат, Марыя Калеснікава ад сустрэчы адмовілася.

«Для іх гэта было нечакана. Такі крэатыўны ход Лукашэнкі. Я не памятаю выпадкаў, каб хто-небудзь прыходзіў да арыштаваных асоб і вёў размовы аб змене Канстытуцыі або нешта падобнае. Гэта было нечакана», — распавёў адвакат.

Пры гэтым А. Пыльчанка адзначыў, што Марыя Калеснікава адмовілася ўдзельнічаць у сустрэчы, бо людзі ў цывільным, якія прыехалі да яе ў СІЗА [у Жодзіна], не прадставіліся і адмовіліся паведаміць куды збіраюцца яе везці.

«Аказваецца, у пятніцу да Марыі прыязджалі двое мілавідных мужчын, як яна сказала, і размаўлялі з ёй на гэтую тэму, ці не хочаце паразмаўляць [з Лукашэнкам]. Марыя такая крэатыўная дзяўчына, відаць, іх трошкі напалохала. Сказала: ну чаго цяпер кантактаваць, паўтара месяца таму мы прапаноўвалі ўсё гэта спыніць [гвалт], цяпер усё ў турме або выдвараныя з краіны.

Да таго ж, вы не прадставіліся, хопіць, мяне ўжо павазілі па Беларусі паўтара сутак і я не ведала, дзе знаходжуся. Вось калі прадставяцца людзі, скажуць, хто яны і куды вязуць, каб я не баялася ехаць. Цяпер, сказала, у Жодзіне ў ізалятары ёй спакайней, чым ездзіць з незнаёмымі людзьмі, — распавёў Пыльчанка.

Акрамя таго, па словах адваката, калі гэтыя мужчыны задалі Калеснікавай пытанне, як яна бачыць сваю будучыню, яна сказала, што бачыць па-рознаму: альбо пяць гадоў зняволення — да новых выбараў, альбо паўтара года — бо так у Беларусі сядзяць палітвязні, альбо ўсё зменіцца ў любую секунду.

«Сама гутарка з Лукашэнкам доўжылася дзесьці 4 гадзіны. Было сказана, што ўдзельнікі сустрэчы не хацелі б абмяркоўваць дэталі гутаркі, і выдаваць падрабязнасці агалосцы. Абмяркоўвалася жыццё Беларусі, і як зрабіць яе лепш, як выправіць сітуацыю. Пры гэтым на наступны дзень адпусцілі двух людзей з СІЗА [Васкрасенскага і Рабцэвіча]», — адзначыў А. Пыльчанка.

На сустрэчы былі, у тым ліку экс-кіраўнік Белгазпрамбанка Віктар Бабарыка, каардынатар апазіцыйнага штаба Юрый Васкрасенскі, паліттэхнолаг Віталь Шкляраў і дырэктар Pandadoc Дзмітрый Рабцэвіч, адвакаты Іван Салей і Максім Знак.

«Зараз, як я ўдакладніў у Бабарыкі, няма нікога, хто б быў паўнамоцны прамаўляць ад імя ўдзельнікаў (хто сядзіць у СІЗА) сустрэчы. Па выніках сустрэчы атрымліваецца, што бакі гаварылі і шмат размаўлялі, але каб прыйсці да нейкага кансэнсусу, неабходна ж зрабіць нейкія крокі першапачатковыя. Крокі павінны быць зробленыя з боку ўлады — выпусціць на свабоду, або змяніць меры стрымання», — лічыць адвакат.

Пры гэтым А. Пыльчанка не выказаў упэўненасці, што яго падабаронныя першымі выйдуць на волю.

Каментары15

Цяпер чытаюць

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння8

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння

Усе навіны →
Усе навіны

Мінская дызайнерка: Размаўляць па-беларуску, не спытаўшы суразмоўцу, ці зручна яму, — свінства88

У Амурскай вобласці Расіі дзяўчына выпадкова выкінула $75 тысяч. Увішныя суседзі знайшлі на сметніку: частку прапілі, на рэшту купілі дом1

На вуліцы Матусевіча ў Мінску побач з дзіцячым садком упаў беспілотнік38

Камандарм Літвы: Можа быць і так, што ніякі аб'ект у Літву з Беларусі і не залятаў4

У ахоўніка Пуціна заўважылі ў руках невядомую прыладу. Эксперты вызначылі яго як дрон-перахопнік4

Расія ўдарыла па калоніі ў Запарожскай вобласці. Загінулі 16 чалавек

«Фантастычная чацвёрка: Першыя крокі» — новы блакбастар з супергероямі і Педра Паскалем. Там згадваецца і Мінск3

Як змяніліся беларусы пасля 2020 года? Цікавае назіранне былога палітвязня8

Украінскія беспілотнікі атакавалі буйны чыгуначны вузел у Растоўскай вобласці2

больш чытаных навін
больш лайканых навін

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння8

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння

Галоўнае
Усе навіны →

Заўвага:

 

 

 

 

Закрыць Паведаміць