Сабаленка на заклік не маўчаць аб сітуацыі ў Беларусі: «Пара б ужо паразумнець. Ну нічога, і такіх зямля носіць, на жаль»
11 кастрычніка беларуская тэнісістка Арына Сабаленка апублікавала пост у Instagram, у якім адзначыла, што не прывыкла да сябе з макіяжам, піша «Трыбуна».
«Часам патрэбен макіяж і спартыўны касцюм пакінуць у шафе. І так цікава кожны раз разглядаць сябе, калі выпадае нагода. Вось і разглядаю з раніцы», — напісала тэнісістка. Пазней аказалася, што Сабаленка наведала матч мінскага «Дынама» ў КХЛ, дзе была ў джэрсі клуба.
Адзін з карыстальнікаў адказаў на пост: «Сорамна, Арына, за цябе. Не ўсё ў свеце вымяраецца грашыма. Ёсць моманты, калі такія, як ты, не павінны маўчаць, а не касметыку абмяркоўваць».
Сабаленка адказала: «Сорамна за вас! У вашым узросце пара ўжо паразумнець. Ну нічога, і такіх зямля носіць. На жаль».
Яшчэ адзін карыстальнік пасля гэтага напісаў: «Ганьба. Схадзі ў гэтым джэрсі на Акрэсціна. Сапраўды, і такіх зямля носіць. Спадзяюся, карма існуе».
«Вядома, існуе, таму ты — ніхто», — у адказ напісала Сабаленка.
Пасля пікіроўкі карыстальнік заявіў, што таксама паглядзіць матч «Дынама», на што Сабаленка адрэагавала: «Правільна, паглядзіце, як людзі працуюць».
У жніўні Арына Сабаленка асудзіла разгон мірных пратэстаў.
«Я не магу паверыць, што ўсё гэта адбываецца ў маёй мірнай роднай Беларусі, пісала 13 жніўня ў сваім інстаграме найлепшая беларуская тэнісістка, 11-я ракетка свету. — Я не магу спаць ужо чацвёртую ноч. Я не магу глядзець на жорсткасць у адносінах да безабаронных людзей. Навошта? Калі ласка, спыніце гвалт!!! Беражыце сябе і сваіх блізкіх, мае дарагія беларусы».
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага28
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА55
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА5
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары