«Выхадам з тупіка могуць стаць толькі новыя выбары». Кіраўнік МЗС Літвы адказаў Макею
Кіраўнік МЗС Літвы Лінас Лінкявічус у сваім twitter апублікаваў вытрымкі з адказу свайму беларускаму калегу Уладзіміру Макею. Міністр піша, што парушэнні грамадзянскіх правоў і злачынствы супраць уласных грамадзян непрымальныя ў дэмакратычнай дзяржаве.
— Так, Уладзімір, я ведаю цябе, Беларусь, і яшчэ больш спазнаю беларусаў, якія як ніколі раней вырашылі не маўчаць, не зважаючы на гвалт, запалохванні, зняволенні і, як стала вядома, катаванні і адкрытыя здзекі і не змірыліся з падманам і аднятым правам на выбары, — піша Лінкявічус.
Міністр кажа, што не заўважаць новую рэальнасць, было б недаравальна. Што ж тычыцца санкцый, то, нагадаў, міністр у 2016 годзе большасць з іх былі адкліканыя, бо Еўропа паверыла ў шчырасць намераў беларускіх уладаў адмовіцца ад рэпрэсій.
— Кіраўніцтва вашай краіны ўласнаручна разбурыла гэтую надзею, як і тыя далікатныя прыкметы супрацоўніцтва і канструктыўнага дыялогу, — піша Лінкявічус.
Кіраўнік літоўскага МЗС зазначае, што яго краіна не мае намеру ўмешвацца ва ўнутраныя справы Беларусі, яна таксама зацікаўленая ў тым, каб наша краіна і далей заставалася незалежнай і суверэннай. Добрасуседскія адносіны паміж нашымі краінамі магчымыя толькі пры ўмове, што беларускія ўлады наладзяць дыялог з грамадзянскай супольнасцю.
— Выхадам з гэтага маральнага і палітычнага тупіку могуць паслужыць толькі новыя, празрыстыя, дэмакратычныя выбары кіраўніка дзяржавы, — мяркуе Лінкявічус.
Мой ответ Владимиру Макею pic.twitter.com/86JBga47zg
Нагадаем, на мінулым тыдні міністр замежных спраў Беларусі Уладзімір Макей апублікаваў зварот да калег з краін ЕС і пачаў яго наступнай фразай: «Калегі, міністры замежных спраў краін ЕС, звяртаюся да вас у сувязі з вашымі шматлікімі заявамі ў дачыненні да маёй краіны. Вы выдатна ведаеце мяне, ведаеце Беларусь і беларусаў».
Макей напісаў зварот да міністраў замежных спраў ЕС. Просіць не ўводзіць санкцыі
Цяпер чытаюць
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары