«Vychadam z tupika mohuć stać tolki novyja vybary». Kiraŭnik MZS Litvy adkazaŭ Makieju
Kiraŭnik MZS Litvy Linas Linkiavičus u svaim twitter apublikavaŭ vytrymki z adkazu svajmu biełaruskamu kalehu Uładzimiru Makieju. Ministr piša, što parušeńni hramadzianskich pravoŭ i złačynstvy suprać ułasnych hramadzian nieprymalnyja ŭ demakratyčnaj dziaržavie.
— Tak, Uładzimir, ja viedaju ciabie, Biełaruś, i jašče bolš spaznaju biełarusaŭ, jakija jak nikoli raniej vyrašyli nie maŭčać, nie zvažajučy na hvałt, zapałochvańni, źniavoleńni i, jak stała viadoma, katavańni i adkrytyja ździeki i nie źmirylisia z padmanam i adniatym pravam na vybary, — piša Linkiavičus.
Ministr kaža, što nie zaŭvažać novuju realnaść, było b niedaravalna. Što ž tyčycca sankcyj, to, nahadaŭ, ministr u 2016 hodzie bolšaść ź ich byli adklikanyja, bo Jeŭropa pavieryła ŭ ščyraść namieraŭ biełaruskich uładaŭ admovicca ad represij.
— Kiraŭnictva vašaj krainy ŭłasnaručna razburyła hetuju nadzieju, jak i tyja dalikatnyja prykmiety supracoŭnictva i kanstruktyŭnaha dyjałohu, — piša Linkiavičus.
Kiraŭnik litoŭskaha MZS zaznačaje, što jaho kraina nie maje namieru ŭmiešvacca va ŭnutranyja spravy Biełarusi, jana taksama zacikaŭlenaja ŭ tym, kab naša kraina i dalej zastavałasia niezaležnaj i suvierennaj. Dobrasusiedskija adnosiny pamiž našymi krainami mahčymyja tolki pry ŭmovie, što biełaruskija ŭłady naładziać dyjałoh z hramadzianskaj supolnaściu.
— Vychadam z hetaha maralnaha i palityčnaha tupiku mohuć pasłužyć tolki novyja, prazrystyja, demakratyčnyja vybary kiraŭnika dziaržavy, — miarkuje Linkiavičus.
Moj otviet Vładimiru Makieju pic.twitter.com/86JBga47zg
Nahadajem, na minułym tydni ministr zamiežnych spraŭ Biełarusi Uładzimir Makiej apublikavaŭ zvarot da kaleh z krain ES i pačaŭ jaho nastupnaj frazaj: «Kalehi, ministry zamiežnych spraŭ krain ES, źviartajusia da vas u suviazi z vašymi šmatlikimi zajavami ŭ dačynieńni da majoj krainy. Vy vydatna viedajecie mianie, viedajecie Biełaruś i biełarusaŭ».
Makiej napisaŭ zvarot da ministraŭ zamiežnych spraŭ ES. Prosić nie ŭvodzić sankcyi
Ciapier čytajuć
Ofis pra skandał ź Cichanoŭskim: Brytanskaja viza była apłačanaja, ale jon tak i nie padaŭsia na zdaču adbitkaŭ palcaŭ11
Kamientary