У панядзелак мітрапаліт Мінскі і Заслаўскі Павел, Патрыяршы экзарх Беларусі, прыехаў у Бальніцу хуткай медыцынскай дапамогі Мінска, паведамляе афіцыйны партал БПЦ.
Цяпер частка пацыентаў бальніцы — людзі, якія атрымалі траўмы падчас акцый пратэсту, што прайшлі ў пачатку мінулага тыдня, а таксама пацыенты, якія паступілі са слядамі збіцця і цяжкіх цялесных пашкоджанняў з ізалятара на завулку Акрэсціна.
Мітрапаліта і асобаў, якія яго суправаджалі, сустрэлі супрацоўнікі бальніцы на чале з галоўным доктарам Андрэем Барысавым. Прызваўшы Божае дабраславенне на высакародную працу медыкаў, патрыяршы экзарх уручыў усім абразкі доктара-пакутніка Яўгена Боткіна, лейб-мэдыка імпэратарскай сям’і Раманавых, які добраахвотна паехаў у ссылку і прыняў пакутніцкую смерць у 1918 годзе, гаворыцца ў паведамленні БПЦ.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары