Злучаныя Штаты ўхвалілі продаж Украіне да 16 патрульных катараў Mark VI, а таксама спадарожнае абсталяванне і ўзбраенне да іх на агульную суму 600 млн даляраў, піша bbc.com.
Пра гэта паведаміў міністр замежных спраў Украіны Дзмітрый Кулеба.
Шэсць катараў ЗША перадасць Украіне ў рамках дапамогі. Астатнія катары ўкраінскі ўрад можа набыць пры жаданні.
«Гэта істотна ўзмацніць абараназдольнасць на моры», - перакананыя ў МЗС Украіны.
Кулеба адзначыў, што гэты крок афіцыйнага Вашынгтона «сведчыць аб росце даверу паміж Украінай і ЗША».
Катары Украіна зможа выкарыстаць, каб «супрацьстаяць наяўным і патэнцыйным пагрозам у Чорным і Азоўскім морах».
Хуткасныя патрульныя катары класа Mark VI прызначаныя для патрулявання прыбярэжных марскіх тэрыторый і абароны партовай інфраструктуры. Катар можа развіваць хуткасць да 63 км / гадзіну. Тэхніка будзе абсталяваная збройнымі сістэмамі MSI Seahawk A2 і МК 44.
Цяпер чытаюць
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві11
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары