Ва Украіне з'явіліся прыкметы пераследу палітычных апанентаў праз суды. Пра гэта гаворыцца ў сумеснай заяве экс-прэзідэнта Польшчы Аляксандра Квасьнеўскага і былога спікера Еўрапарламента Пэта Кокса. Яны ў 2012—2014 гадах узначальвалі маніторынгавую місію Еўрапарламента па палітычных працэсах ва Украіне, піша bbc.com.
«Калі гэты курс возьме верх, дэмакратыя і правапарадак ва Украіне стануць першымі ахвярамі. Яны з'яўляюцца ключавымі элементамі супольных каштоўнасцяў, якія знаходзяцца ў аснове імкнення Украіны ў ЕС і НАТА», - папярэджваюць яны.
На іх думку, падзеі ва Украіне сведчаць аб разбурэнні стандартаў і «постмайданны рэвізіянізм».
«Набліжэнне мясцовых выбараў дадае алею ў агонь нашых турбот, калі мы становімся сведкамі пераследу палітычных апанентаў праз сістэму правасуддзя, а не скрыню для галасавання», — гаворыцца ў заяве Кокса і Квасьнеўскага.
Яны заклікаюць змагацца з палітычнымі апанентамі на дэбатах і выбарах, але не ў судах.
У інтэрв'ю BBC ў верасні 2019 года Квасьнеўскі папярэдзіў, што рэакцыя на палітычны пераслед Пятра Парашэнкі ў Еўропе будзе вострай.
«Парашэнка быў партнёрам, паважаным партнёрам многіх лідараў у Еўропе, яны не будуць сядзець і глядзець. Калі гэта будзе суд, калі будуць доказы — гэта іншая справа, але калі гэта робіцца з палітычнай матывацыяй, то, вядома, усе гэтыя людзі будуць гучна пра гэта казаць», - адзначыў ён.
1 ліпеня Пячэрскі суд Кіева не змог абраць меру стрымання Пятру Парашэнку ў выглядзе асабістага абавязальніцтва з'яўляцца па выкліку следчага і не выязджаць са сталіцы. Пасяджэнне перанеслі на 8 ліпеня.
Пракуроры просяць абавязаць яго з'яўляцца на допыт і ў суд, не выязджаць за межы Кіева без дазволу следчага, а таксама здаць замежны пашпарт.
Цяпер чытаюць
Вызваленыя беларускія палітвязні паразмаўлялі з Зяленскім7
Каментары