Іван Эйсмант: Новы інфармацыйны тэлеканал плануецца запусціць ў 2021 годзе
Анансаваны новы інфармацыйны тэлеканал можа з'явіцца ў Беларусі ў 2021 г., заявіў сёння старшыня Белтэлерадыёкампаніі Іван Эйсмант у праграме «Актуальны мікрафон» Першага нацыянальнага канала Беларускага радыё, піша БЕЛТА.
«У мяне журналісты спыталі: што гэта будзе за канал? Я сказаў: напрыклад, Euronews ці BBC. Усе напісалі, што мы збіраемся BBC стварыць у Беларусі, — сказаў Іван Эйсмант. — Мы збіраемся стварыць беларускі інфармацыйны канал, раўняючыся на тыя патрэбы, тыя магчымасці, якія ў нас ёсць. Ужо распрацавана канцэпцыя. Гэтае пытанне досыць падрабязна прапрацоўваецца. Думаю, што ў наступным годзе мы з задавальненнем паглядзім гэты канал».
Паводле слоў Івана Эйсманта, канал будзе працаваць ад самай раніцы да позняга вечара.
«Хутчэй за ўсё, будзе мець блокавую сістэму, калі ёсць касцяк, які паўтараецца з гадзінным крокам, але ўвесь час абнаўляецца, дадаецца нейкая новая інфармацыя, — адзначыў старшыня Белтэлерадыёкампаніі. — Гэта будзе пляцоўка для інтэрв'ю, відэаблогаў, аўтарскіх перадач, рубрык. Відавочна, што зараз не хапае інфармацыі для абмеркавання, розных меркаванняў, проста тэлевізійных плошчаў. Тое, што мы падаем у эфіры «Беларусь 1», — каля дзясятка выпускаў навін у дзень. Гэтага відавочна недастаткова. Нашмат больш інфармацыі вакол нас — і ў краіне, і ў свеце. І нам бы хацелася яе данесці да гледачоў».
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары