У Польшчы затрымалі таксіста-беларуса, які вёз траіх нелегалаў-в'етнамцаў у Нямеччыну
Польскія памежнікі спынілі 24 кастрычніка на польска-нямецкай мяжы ў вёсцы Свецка легкавы аўтамабіль, за рулём якога быў 32-гадовы беларус. У яго асабістым аўто ехалі жыхары В'етнама — дзве дзяўчыны 22 і 27 гадоў і іх 18-гадовы сваяк. Высветлілася, што яны хацелі незаконна трапіць у Нямеччыну, паведамляе niezalezna.pl.
Беларус расказаў памежнікам, што першы дзень працуе ў фірме Uber у Варшаве, а ў салоне едуць пасажыры, якія папрасілі адвезці іх у Берлін.
Памежнікі высветлілі, што в'етнамцы абавязаны былі пакінуць Польшчу і ім было забаронена знаходзіцца ў гэтай краіне, а таксама ў іншых краінах Шэнгена.
Грамадзяне В'етнама і беларус знаходзіцца ў ізалятары для замежнікаў.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць47
Каментары