Самай высокааплатнай актрысай свету стала акторка з беларускімі каранямі
Самай высокааплатнай актрысай года па версіі Forbes стала Скарлет Ёхансан.
З 1 чэрвеня 2018 па 1 чэрвеня 2019 года яна зарабіла $56 млн. $ 35 млн з іх зорцы Галівуда прынесла роля «Чорнай удавы» ў стужцы «Мсціўцы. Фінал» — чарговай часткі франшызы, якая сабрала ў сусветным пракаце больш за $ 2,8 млрд.
Ёхансан лідзіравала і ў леташнім рэйтынгу, зарабіўшы ў 2017—2018 гадах больш за $ 40 млн. Тады яе фінансаваму поспеху таксама спрыяў поспех фільма пра супергерояў «Мсціўцы: Вайна бясконцасці».
На другім месцы ў рэйтынгу калумбійка Сафія Вергара, якая жыве ў Маямі. За апошні год ёй удалося зарабіць больш $ 44 млн. У гэтым годзе яна знялася ў стужцы «Апошняя магчымасць». Аднак самы вялікі даход Вергара атрымлівае ад удзелу ў серыялах.
З $ 35 млн трэцяе месца ў спісе займае Рыз Уізерспун, якая вярнулася ў рэйтынг пасля кароткай адсутнасці. За ёй ідуць Ніколь Кідман ($ 34 млн) і Джэніфер Эністан ($ 28 млн).
Скарлет Ёхансан нарадзілася ў Нью-Ёрку ў 1984 годзе. Ейны прадзед па маці Барух Ходаш з Нясвіжа, у 1920-х ён эміграваў у ЗША, дзе ўжо нарадзілася бабуля Скарлет — Дораці. А маці актрысы Мелані выйшла замуж за датчаніна Карстэна Ёхансэна.
Нясвіжскі след Скарлет Ёхансан
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі11
Каментары