Дзеянні пілотаў падчас пасадкі Sukhoi Superjet 100 у Шарамеццева прывялі да катастрофы, у якой загінуў 41 чалавек. Гэтая версія з'яўляецца дамінуючай у расследаванні крымінальнай справы аб крушэнні самалёта, паведамляе «Коммерсант» са спасылкай на крыніцы, блізкія да следства.
Выданне пералічвае асноўныя памылкі пілотаў, якія выконвалі рэйс «Аэрафлота» з Масквы ў Мурманск 5 мая. Першая з іх — рашэнне пілотаў ляцець праз навальнічны фронт. Праз 14 хвілін пасля пачатку палёту камандзір экіпажа паведаміў па рэзервовым канале сувязі, што ў самалёт трапіла маланка, з-за чаго адключылася аўтаматыка.
Другая памылка — лётчыкі паспяшаліся вярнуцца і прызямліцца ў Шарамеццева замест таго, каб пратрымацца ў паветры некаторы час і выпаліць лішнюю газу. У выніку самалёт садзіўся з максімальнай масай, якая стварае дадатковыя цяжкасці пры пасадцы.
Нарэшце, апытаныя газетай эксперты звяртаюць увагу на памылкі пры прызямленні: пілоты не здолелі правільна зайсці на пасадку ў ручным рэжыме і перавысілі шляхавую хуткасць, а затым пагоршылі сітуацыю, не справіўшыся з адскокамі самалёта ад узлётна-пасадачнай паласы. Пасля другога такога «скачка» стойкі шасі прабілі паліўныя бакі, і пачаўся пажар рухавіка.
Пасажыры, якія загінулі ў катастрофе, размяшчаліся ў хваставой частцы самалёта — яны атрымалі сур'ёзныя траўмы яшчэ падчас «скачкоў» лайнера і выбрацца з салона самастойна не маглі, адзначае выданне.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары