У цыкле відэагутарак, якія робіць вядучая «Гумар-ФМ» Настасся Баранцава, выйшла інтэрв’ю з уласнікам партала tut.by Юрыем Зісерам.
Вядучая спытала, ці праўда, што вядомы бізнэсмен Віктар Пракапеня хацеў набыць рэсурс. «Так, было такое, у 2013 годзе». — «А чаму продаж не адбыўся?» — «Не сышліся ў цане», — адказаў Зісер.
Зісер: Ён прапаноўваў дастаткова нізкую цану.
Вядучая: Якую?
Зісер: Я не помню, але гэта было ніжэй за нашы чаканні, таму мы адмовіліся.
Вядучая: То бок толькі праз цану?
Зісер: На той момант так.
Вядучая: А вы не памятаеце, колькі хацелі на той момант?
Зісер: Не помню, гэта было пяць гадоў таму.
Вядучая: Калі б вы зараз прадавалі tut.by, то за якую цану?
Зісер: Ні за колькі не прадам, нікому. Нават за мільярд. Хіба што я мог бы гаварыць з нейкім медыяхолдынгам, бо гэта магчымасць росту для tut.by. Стаць часткай, напрыклад, New York Times. Каб можна было карыстацца іх інструментамі, ездзіць на стажыроўкі, вучыцца. Тады б гэта мела сэнс. А сэнс прадавацца беларусам? Такіх няма беларусаў, ад якіх мы маглі б атрымаць нешта, большае за грошы.
Вядучая: А чаму тады хацелі прадацца?
Зісер: Ды не хацелі мы прадавацца. Проста Пракапеня прапанаваў.
Віктар Пракапеня — буйны беларускі ІТ-бізнэсовец.
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе5
Каментары