Усе рэйсы адмянілі ў Міжнародным аэрапорце Сіэтл-Такома ў ЗША пасля таго, як пасажырскі самалёт узляцеў без дазволу, піша bbc.com.
У адміністрацыі заявілі, што супрацоўнік авіякампаніі здзейсніў «несанкцыянаваны ўзлёт» без пасажыраў на борце. Пазней паведамілі, што самалёт упаў у мора.
Як паведаміла ўпраўленне шэрыфа, гэта не быў тэракт. Самалёт скраў 29-гадовы мужчына, імя якога пакуль не раскрываецца, з мэтай здзейсніць самагубства.
Перадаюць таксама, што ў неба паднялі знішчальнікі ВПС пасля таго, як самалёт без дазволу пакінуў аэрапорт.
Мадэль самалёта - Horizon Air Q400. У залежнасці ад канфігурацыі, гэты самалёт можа мець да 78 месцаў.
Відэа, на якім бачна, як ён кружыць паблізу аэрадрома ў штаце Вашынгтон, апублікавалі ў сацыяльных сетках.
Some dude stole a plane from #Seatac (Allegedly), did a loop-the-loop, ALMOST crashed into #ChambersBay, then crossed in front of our party, chased by fighter jets and subsequently crashed. Weird times. pic.twitter.com/Ra4LcIhwfU
Цяпер аэрапорт працуе ў звычайным рэжыме.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары