Беларускім уладам высланы дакументы на атрыманне агрэмана (папярэдняй згоды) на прызначэнне Міхаіла Бабіча, зараз прадстаўніка прэзідэнта ў Прыволжскай федэральнай акрузе, паслом Расіі ў краіне, распавёў РБК суразмоўца, блізкі да Крамля.
Перавод Бабіча ў паслы ён называе прызначэннем «апаратна ўплывовага чалавека на стратэгічна важны кірунак». Пытанне аб змене пасла ў Беларусі даўно абмяркоўвалася і стаяла на парадку дня, сказаў РБК суразмоўца ў адной з інтэграцыйных структур СНД.
У думе абмяркуюць кандыдатуру Міхаіла Бабіча як пасла ў Беларусі на наступным тыдні, распавёў суразмоўца ў кіраўніцтве профільнага камітэта. Паводле яго слоў, пытанне аб прызначэнні Бабіча з вялікай верагоднасцю будзе адной з тэм пасяджэння камітэта Дзярждумы па справах СНД 18 ліпеня.
Паралельна кандыдатуру Бабіча абмяркуюць у профільным камітэце верхняй палаты, распавёў суразмоўца. Паводле яго слоў, гэтае пытанне павінны ўнесці ў парадак дня камітэта па міжнародных справах на наступны тыдзень. Пакуль што ў парадку гэтага пытання няма, адзначае суразмоўца ў апараце камітэта.
Пасол Сурыкаў, што ў Мінску ад 2006 года, пакіне пасаду, піша РБК.
Міхаіл Бабіч з лістапада 2002 па люты 2003 года быў старшынёй урада Чачні.
Пасля звальнення ў ліпені 2016 г. пасла Расіі Міхаіла Зурабава быў прызначаны паслом ва Украіне, але Кіеў адмовіўся ўзгадніць яго кандыдатуру.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы80
Каментары