Мы рады запрасіць вас 21 ліпеня на экскурсію, аповед у якой пойдзе пра Смаленск — горад, які доўгі час знаходзіўся ў складзе нашай сярэднявечнай дзяржавы, Вялікага Княства Літоўскага. Пры наведванні памятных месцаў акцэнт будзе зроблены на аб'ектах і падзеях, звязаных з беларускай гісторыяй.
Унікальнасць горада пераацаніць складана. У адным толькі Смаленску захаваліся тры храмы дамангольскага перыяду. Для прыкладу, ва ўсёй Беларусі з 12 стагоддзя да нашых дзён дайшла толькі Спаская царква ў Полацку ды палова храма Барыса і Глеба ў Гродне. Смаленскі крэмль быў адной з наймагутнейшых крэпасцяў ва Усходняй Еўропе. А Успенскі сабор уваходзіць у тройку самых прыгожых храмаў сучаснай Расіі.
Маскоўскую дзяржаву чакаў сур'ёзны поспех — у 1514 годзе пасля інтэнсіўнай аблогі царскім войскам удалося захапіць Смаленск. На сто гадоў горад забывае пра Магдэбургскае права і пераходзіць пад цяжкую гасудараву руку. Праўда, пасля перамогі слаўнага караля Стэфана Баторыя над Іванам Жахлівым у Лівонскай вайне кіраўнікі Масковіі сталі сур'ёзна асцерагацца рэваншу Рэчы Паспалітай. У мэтах абароны маскоўскія князі Фёдар Іванавіч і Барыс Гадуноў за сем гадоў з 1595 па 1602 узвялі гіганцкі абарончы будынак: замак з 39 вежаў, даўжыня сцен склала 6,5 кіламетра. Гэта пры тым, што на некаторых участках сцяна дасягала 6-метровай таўшчыні. Тым не менш гэта не перашкодзіла каралю Жыгімонту Вазе пасля працяглай аблогі вярнуць горад у чэрвені 1611 года. Як здарылася, што праз 43 гады мы канчаткова страцілі легендарны горад, вы даведаецеся на экскурсіі «Смаленск: сляды беларускай гісторыі».
Напрыканцы гасцей горада чакае дзіўны сюрпрыз: непаўторны Успенскі сабор 17 стагоддзя. Першы храм, збудаваны яшчэ Уладзімірам Манамахам, быў узарваны пры штурме Смаленска ў 1611 годзе. Цяперашняя царква з'яўляецца найяскравейшым помнікам дойлідства 2 паловы 17 стагоддзя. Неверагодныя па прыгажосці інтэр'еры сабора пакінуць у памяці турыстаў моцныя ўражанні!
На пад'ездзе да Смаленска з беларускага боку знаходзіцца вёсачка Катынь, якой наканавана было атрымаць сусветную вядомасць у 1943 годзе пасля апублікавання нацыстамі фактаў масавага знішчэння польскіх афіцэраў войскамі НКУС. З тых часоў у катынскім лесе праводзілася не адно расследаванне, якія пралівалі ўсё больш святла на адно з самых жудасных злачынстваў савецкага рэжыму. На сённяшні дзень тут узведзены буйны мемарыяльны комплекс.
Даведацца падрабязнасці і запісацца ў вандроўку па былых беларускіх землях можна па тэлефонах:
(17) 203-69-70
(17) 226-03-02
(29) 682-58-07
(29) 772-77-58
Болей інфармацыі — на сайце www.zamak.by.
Фонд «Краіна замкаў». УНП 690382807
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары