Мінскі заапарк абірае імя для зубраняці ФОТА
У сярэдзіне траўня ў Мінскім заапарку нарадзілася зубраня. Цялятка падрасло і добра гадуецца, толькі яму не хапае найлепшай мянушкі. Заапарк распачаў конкурс на варыянт імені для свайго мужнага гадаванца.
Умовы простыя:
- мянушка зубраняці павінна пачынацца на літару «Б» (па правілах міжнароднай племянной кнігі, першая літара ў імені кожнага зубраняці павінна быць такой жа, як у назве краіны, у якой ён нарадзіўся);
- памятаем, што ў нас — хлопчык, і ён вырасце ў станістага магутнага прыгажуна;
- мянушка павінна быць мілагучнай;
- мянушка не павiнна быць чалавечым імем.
«Абавязкова трэба быць падпісантам суполкі «Мінскі заапарк» і зрабіць рэпост да сябе на старонку. Свае варыянты пакідайце ў каментарах пад гэтым пастом», — просяць арганізатары конкурсу.
Прапановы прымаюцца да 1 ліпеня, паўдзельнічаць у конкурсе можа любы ахвотныы. Аўтара найлепшай прапановы чакае прыемны сюрпрыз ад Мінскага заапарка!
Вынікі конкурсу будуць падведзены на свяце ў Дзень Незалежнасці, 3 лiпеня.
Цяпер чытаюць
За выбух у мінскім метро судзілі не толькі Канавалава і Кавалёва. Як склаўся лёс яшчэ трох фігурантаў справы?7
Каментары