17-гадовы хлопец ад цэнтра занятасці вучыўся ў Слуцкім дзяржаўным каледжы на цырульніка і майстра па манікюры. Ён не вызначаўся ўзорнымі паводзінамі і паспяховасцю, часта прагульваў, піша «Інфа-Кур'ер».
Праблемы не абмяжуюцца толькі крымінальным артыкулам. Калі яго адлічаць з каледжа, ён павінен будзе пакрыць кошт навучання, стыпендыю і пражыванне ў інтэрнаце.
Узімку ён захварэў і трапіў у інфекцыйнае аддзяленне Слуцкай бальніцы. Калі выпісваўся, яму выдалі даведку аб часовай непрацаздольнасці. Хлопец вырашыў працягнуць сабе бальнічны на два тыдні і замазаў карэктарам дату заканчэння бальнічнага.
Адгуляўшы «бальнічны», ён прынёс даведку ў каледж. Адміністратар аднесла яе ў міліцыю.
У дачыненні да хлопца распачалі крымінальную справу за падробку дакументаў. Санкцыя артыкула — пакаранне ў выглядзе грамадскіх работ, або штрафу, або папраўчых работ на тэрмін да двух гадоў, або арышту на тэрмін да шасці месяцаў, або абмежавання волі на тэрмін да двух гадоў.
Цяпер чытаюць
Анжаліка Мельнікава пасля знікнення набыла дзве кватэры ў Мінску90
Каментары