17-hadovy chłopiec ad centra zaniataści vučyŭsia ŭ Słuckim dziaržaŭnym kaledžy na cyrulnika i majstra pa manikiury. Jon nie vyznačaŭsia ŭzornymi pavodzinami i paśpiachovaściu, časta prahulvaŭ, piša «Infa-Kurjer».
Prablemy nie abmiažujucca tolki kryminalnym artykułam. Kali jaho adličać z kaledža, jon pavinien budzie pakryć košt navučańnia, stypiendyju i pražyvańnie ŭ internacie.
Uzimku jon zachvareŭ i trapiŭ u infiekcyjnaje adździaleńnie Słuckaj balnicy. Kali vypisvaŭsia, jamu vydali daviedku ab časovaj niepracazdolnaści. Chłopiec vyrašyŭ praciahnuć sabie balničny na dva tydni i zamazaŭ karektaram datu zakančeńnia balničnaha.
Adhulaŭšy «balničny», jon prynios daviedku ŭ kaledž. Administratar adniesła jaje ŭ milicyju.
U dačynieńni da chłopca raspačali kryminalnuju spravu za padrobku dakumientaŭ. Sankcyja artykuła — pakarańnie ŭ vyhladzie hramadskich rabot, abo štrafu, abo papraŭčych rabot na termin da dvuch hadoŭ, abo aryštu na termin da šaści miesiacaŭ, abo abmiežavańnia voli na termin da dvuch hadoŭ.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary