7 сакавіка канцэртам «Вясновы дзень» у мінскім ПК Шарко распачынаецца першы за шмат гадоў тур Змітра Вайцюшкевіча па Беларусі. Гледачоў вялікіх і малых гарадоў чакаюць лірычны настрой і найлепшыя песні.
Цягам вясны запланаваныя канцэрты Вайцюшкевіча ва ўсіх абласных цэнтрах, а таксама шматлікіх раённых. На гэты момант акрамя Мінска (07.03) пацверджаны сольныя выступы ў Віцебску (10.03), Барысаве (18.03), Астраўцы (5.04). Аператыўная інфармацыя будзе з’яўляцца на афіцыйных старонках артыста ў Facebook і VK.
— У лютым адбыўся «тэставы» канцэрт у роднай Бярозаўцы — першы за 10 год. Таму ўсё мае быць добра, — кажа Зміцер Вайцюшкевіч. — Для мяне гэта вельмі чаканыя сустрэчы, бо мае слухачы для мяне галоўныя і самыя любімыя людзі пасля маёй сям’і.
Зміцер Вайцюшкевіч & WZ-Orkiestra з праграмай «Вясновы дзень»
7 сакавіка — Мінск, ПК імя Шарко (вул. Уральская, 3) — 19:00
Квіткі ад 23 рублёў у касах і на сайце аператара Kvitki.by
Інфалінія: +375336611432
Цяпер чытаюць
Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў57
Каментары