Памёр брытанскі драматург, рэжысёр і сцэнарыст Том Стопард. Яму было 88 гадоў, паведамляе The Guardian.
Том Стопард нарадзіўся 3 ліпеня 1937 года пад іменем Томаш Штраўслер у яўрэйскай сям’і ў Чэхаславакіі. У 1939 годзе ягоныя бацькі ўцяклі ад нацыстаў у Сінгапур, а адтуль — у Індыю, каб пазбегнуць японскай акупацыі. Пасля вайны будучы пісьменнік апынуўся ў Вялікабрытаніі. Пра сваё паходжанне ён даведаўся ўжо ў дарослым узросце.
Стопард лічыцца адным з найбольш запатрабаваных драматургаў другой паловы XX стагоддзя. Ён пісаў для кіно, радыё, тэатра і тэлебачання, быў драматургам Каралеўскага нацыянальнага тэатра Вялікабрытаніі.
Сярод яго найбольш вядомых п’ес — «Розенкранц і Гільденстэрн мёртвыя», «Травесці», «Уваходзіць свабодны чалавек», «Аркадыя», «Бераг Утопіі», «Рок-н-рол».
Ён таксама напісаў сцэнарыі да фільмаў: «Бразілія» (рэжысёр Тэры Гіліям), «Рускі дом» (Фрэд Скепісі), «Закаханы Шэкспір» (Джон Мэдэн), «Ганна Карэніна» (Джо Райт). Таксама ён дапамагаў у дапрацоўцы сцэнарыяў «Індыяны Джонса і апошняга крыжовага пахода», «Помсты сітхаў» і «Спісу Шындлера».
У 1990 годзе Стопард экранізаваў сваю п’есу «Розенкранц і Гільденстэрн мёртвыя».
Акрамя іншага, Том Стопард быў апекуном Беларускага «Свабоднага тэатра». У 2005 годзе па асабістым запрашэнні кіраўнікоў праекта Наталлі Каляды і Мікалая Халезіна драматург прыязджаў у Беларусь.
Па выніках той паездкі ён казаў:
«Мае ўражанні ад візіту ў Беларусь адрозніваюцца ад тых уражанняў, якія я атрымаў у Савецкім Саюзе і Чэхаславакіі: тут страх схаваны ўглыб, і, гуляючы па вуліцах Менску, часам немагчыма зразумець, што знаходзішся ў краіне з таталітарнай сістэмай, якая глыбока ўкаранілася».
У 2023 годзе сэр Том Стопард выказаў падтрымку беларусам і беларускім палітвязням.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары