Цяпер агляд аўтамабіля можна будзе прайсці ў любым аддзяленні ДАІ па ўсёй краіне, а не толькі там, дзе будзе адбывацца рэгістрацыя.
У Беларусі абнаўляюць правілы дзяржаўнай рэгістрацыі транспарту. Адпаведную пастанову падпісаў прэм’ер-міністр Аляксандр Турчын.
Па новых правілах юрыдычным асобам больш не трэба звяртацца ў ваенкаматы, каб ставіць транспарт на ўлік для патрэбаў мабілізацыі. Таксама адмяняецца неабходнасць запытваць інфармацыю па месцы выдачы дакументаў пры рэгістрацыі машын, прывезеных з краін ЕАЭС.
У дакуменце прапісаны парадак рэгістрацыі транспартных сродкаў, зробленых у выніку індывідуальнай творчасці. Удакладняюцца правілы, калі ўладальнікамі транспарту з’яўляюцца дзеці да 14 гадоў і падлеткі ад 14 да 18 гадоў.
Акрамя таго, уводзіцца афіцыйнае вызначэнне ідэнтыфікацыйнага нумара транспартнага сродку і апісваецца парадак яго фатаграфавання для аднастайнага правядзення агляду.
Парковачны хаос у цэнтры Мінска: жыхары не могуць пакінуць машыну каля свайго дома
У цэнтры Мінска з'явіўся хаб, дзе можна зараджаць 22 электрааўтамабілі адначасова
«Поўны фарш, а цана як у пустой Tesla». Чым (не) задаволеныя ўладальнікі кітайскіх электрамабіляў
У Гродне мужчына заліваў клеем машыны, якія засланялі яму праход да сметніцы
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары