На Другіх сусветных спаборніцтвах чалавекопадобных робатаў у Пекіне андроід па мянушцы «Маланка» ўсталяваў рэкорд у бегу на 100 метраў, паведамляе агенцтва «Сіньхуа».
Робат пераадолеў дыстанцыю за 9,32 секунды, развіўшы хуткасць каля 14,5 м/с. Такім чынам, машына прабегла 100 метраў хутчэй за найхутчэйшага чалавека ў гісторыі — ямайскага спрынтара Усэйна Болта.
Сусветны рэкорд Болта складае 9,58 секунды і быў усталяваны ў 2009 годзе. «Маланка» пераўзышла яго вынік на 0,26 секунды.
Праўда, вынікі робатаў не залічваюцца ў чалавечыя спартыўныя рэкорды, бо яны спаборнічаюць у асобнай катэгорыі. Аднак дасягненне паказвае, наколькі хутка развіваюцца тэхналогіі, звязаныя з рухам, балансам і кіраваннем чалавекопадобных машын.
Падрабязнасці канструкцыі «Маланкі», а таксама характарыстыкі іншых робатаў, якія ўдзельнічаюць у спаборніцтвах, пакуль не раскрываюцца.
На эканамічным форуме ў Пецярбургу паказалі расійскіх робатаў. Нават Z-патрыёты палічылі іх ганьбай
На фронце ва Украіне выпрабавалі чалавекападобных робатаў
Украінскія дроны і робаты здольныя браць расіян у палон без прысутнасці людзей
У Кітаі паліцыя «арыштавала» гуманоіднага робата, які напужаў на вуліцы пенсіянерку
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі43
Каментары