За стварэнне дваровага чата пасадзілі маладых настаўніцу і прадпрымальніцу
Марыну Храмцову і Аляксандру Дуброўскую абвінавацілі ў стварэнні «экстрэмісцкага фармавання».
Аляксандры Дуброўскай з Магілёва 37 гадоў. Мяркуючы па сацсетках, яна скончыла Універсітэт кардынала Стэфана Вышынскага ў Варшаве.
Яна працуе настаўніцай англійскай мовы ў розных школах і цэнтрах дзіцячага развіцця Магілёва. Мае першую настаўніцкую катэгорыю.
Марыне Храмцовай 41 год. Яна родам з вёскі Амхавая ў Магілёўскім раёне.
Марына раней працавала прадпрымальніцай, прадавала падлогавыя пакрыцці. Яе ІП закрылася ў 2015 годзе, і пасля жанчына перайшла ў іншую фірму, якая займалася тым жа.
Аляксандру Дуброўскую і Марыну Храмцову арыштавалі напрыканцы мінулага года. Іх асудзілі ў Магілёўскім абласным судзе па «справе дваровых чатаў». Абедзвюх вінавацілі ў «стварэнні экстрэміцкага фарміравання» (ч. 3 арт. 361‑1 КК). Вядома, што абедзве жанчыны атрымалі тэрмін у калоніі.
«Наша Нiва» — бастыён беларушчыны
ПАДТРЫМАЦЬЦяпер чытаюць
Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў81
Каментары