Прарасійскаму журналісту, які ўцёк з Латвіі ў Беларусь, далі статус бежанца
Прарасійскі журналіст Юрый Аляксееў, які ў кастрычніку 2024 года ўцёк з Латвіі, паведаміў, што атрымаў у Беларусі статус бежанца. Пра гэта ён напісаў у фэйсбуку і паказаў пасведчанне бежанца разам з загадам, падпісаным кіраўніком Дэпартамента па грамадзянстве і міграцыі Іванам Новікавым, заўважыў Reform.news.
У дакуменце адзначаецца:
«Загадваю: даць Аляксееву Юрыю, 1958 г. н., грамадзяніну Латвійскай Рэспублікі, статус уцекача ў Рэспубліцы Беларусь у адпаведнасці з часткай першай артыкула 19 Закона, паколькі заяўнік мае абгрунтаваныя асцярогі стаць ахвярай пераследу у дзяржаве грамадзянскай прыналежнасці на падставе яго палітычных перакананняў і не жадае карыстацца абаронай гэтай дзяржавы».
Сам журналіст назваў гэта «падарункам на дзень народзінаў». Яму споўнілася 67 гадоў.
Юрый Аляксееў у 2024 годзе пакінуў Латвію і пераехаў у Беларусь. Ён быў галоўным рэдактарам прарасійскага сайта Imhoclub.lv, які латвійскія спецслужбы неаднаразова называлі інструментам расійскага інфармацыйнага ўплыву. Аляксееў таксама фігураваў у справаздачах латвійскай Службы дзяржаўнай бяспекі як пракрамлёўскі актывіст.
У сябе на радзіме журналіст быў асуджаны за незаконнае захоўванне боепрыпасаў. Суд прызначыў яму год і два месяцы пазбаўлення волі і адзін год прабацыйнага нагляду, а таксама пастанавіў узяць яго пад варту.
Цяпер чытаюць
Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў80
Каментары