Новыя іміграцыйныя меры, якія абмяжоўваюць свабоду ўезду ў Брытанію з краін Еўрасаюза, будуць уведзеныя ў сакавіку 2019 года, паведаміў міністр іміграцыі Брытаніі Брэндан Льюіс.
У інтэрв'ю ВВС Льюіс не стаў удакладняць, якім чынам улады маюць намер рэгуляваць патокі мігрантаў пасля ўступлення ў сілу «брэксіта». Па яго словах, закон аб міграцыі павінен быць унесены ў парламент у 2018 годзе.
Міністр унутраных спраў Брытаніі Эмбер Рад раней адзначала, што новыя меры не стануць непераадольнай сцяной для мігрантаў. Яна падкрэсліла, што Злучанае Каралеўства працягне прыцягваць «самых таленавітых і найлепшых» мігрантаў з усяго свету.
Брытанскія міністры таксама паабяцалі правесці шырокія кансультацыі з прадстаўнікамі бізнесу, прафсаюзаў і вну для абмеркавання іх пазіцыі па міграцыйным абмежаванням.
МУС Брытаніі ўжо папрасіла кансультатыўны камітэт па пытаннях міграцыі ацаніць рэгіянальнае размеркаванне міграцыі з ЕС, залежнасць асобных сектараў ад працы мігрантаў і ролю сезоннага фактару.
Як патлумачыла Эмбер Рад, новая іміграцыйная сістэма павінна павысіць дзяржаўны кантроль над колькасцю прыбываючых у краіну людзей.
Па словах кіраўніка МУС, гэта дасць брытанцам «упэўненасць у тым, што мы прымяняем свае ўласныя правілы да тых, каго мы хочам пускаць у краіну, а таксама дапаможа знізіць чыстую міграцыю да стабільных узроўняў».
Міністр замежных спраў Брытаніі Барыс Джонсан заявіў, што хоць міграцыя аказвала «фантастычны эфект на энергію і дынамічнасць эканомікі», «гэта не азначае, што яе нельга кантраляваць».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы22
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары