Арганізатары шахматнай серыі Grand Chess Tour абвясцілі аб тым, што ўдзельнікам амерыканскага турніру ў Сэнт-Луісе па хуткіх шахматах і бліцы стане 13-ы чэмпіён свету Гары Каспараў, які аднаўляе дзеля гэтага сваю шахматную кар'еру, піша ВВС.
У 2005 годзе Гары Каспараў абвясціў, што сыходзіць з вялікіх шахмат, і з тых часоў прымаў удзел толькі ў выставачных спаборніцтвах. Акрамя таго, да 2010 года ён працаваў асабістым трэнерам нарвежскага гросмайстра Магнуса Карлсэна, найлепшага шахматыста свету апошняга дзесяцігоддзя.
Каспараў атрымаў адну з чатырох wild-card турніру ў Сэнт-Луісе, дзе таксама будуць удзельнічаць цяперашні другі нумар у шахматным рэйтынгу Хікару Накамура, а таксама Сяргей Каракін і Вішванатан Ананд.
«Падобнае, што я павышу сярэдні ўзрост удзельнікаў турніру і паніжу сярэдні рэйтынг!» — напісаў з гэтай нагоды ў сваім твітары сам Гары Каспараў, у якога ў дадзены момант афіцыйны рэйтынг наогул адсутнічае.
Гары Каспараў стаў чэмпіёнам свету па шахматах у 1985 годзе, перамогшы ў гістарычным матчы Анатоля Карпава. З тых часоў да 2006 года ён аднаасобна узначальваў рэйтынг ФІДЭ. Яго рэкордны рэйтынг у 2851 бал, устаноўлены ў 1999 годзе, быў пабіты толькі ў 2013 годзе Магнусам Карлсэнам.
Пасля завяршэння спартыўнай кар'еры Каспараў заявіў аб неабходнасці актыўнага супрацьдзеяньня палітычнаму рэжыму Уладзіміра Пуціна. У якасці апазіцыйнага палітыка Гары Каспараў браў удзел у стварэнні шэрагу рухаў і арганізацый, у прыватнасці Аб'яднанага грамадзянскага фронту і руху «Салідарнасць».
У кастрычніку 2012 года Каспараў быў абраны ў Каардынацыйную раду расійскай апазіцыі.
У 2013 годзе Гары Каспараў назаўсёды пакінуў Расію, заявіўшы, што зрабіў гэта з-за боязі пераследу з боку ўладаў. Ён пастаянна жыве ў Нью-Ёрку, а таксама мае дом у Харватыі, грамадзянства якой ён атрымаў ў 2014 годзе.
Цяпер чытаюць
Марата Маркава перасунулі з пасады міністра інфармацыі ў міністры культуры29
Каментары