Arhanizatary šachmatnaj sieryi Grand Chess Tour abviaścili ab tym, što ŭdzielnikam amierykanskaha turniru ŭ Sent-Łuisie pa chutkich šachmatach i blicy stanie 13-y čempijon śvietu Hary Kasparaŭ, jaki adnaŭlaje dziela hetaha svaju šachmatnuju karjeru, piša VVS.
U 2005 hodzie Hary Kasparaŭ abviaściŭ, što sychodzić ź vialikich šachmat, i z tych časoŭ prymaŭ udzieł tolki ŭ vystavačnych spabornictvach. Akramia taho, da 2010 hoda jon pracavaŭ asabistym trenieram narviežskaha hrosmajstra Mahnusa Karłsena, najlepšaha šachmatysta śvietu apošniaha dziesiacihodździa.
Kasparaŭ atrymaŭ adnu z čatyroch wild-card turniru ŭ Sent-Łuisie, dzie taksama buduć udzielničać ciapierašni druhi numar u šachmatnym rejtynhu Chikaru Nakamura, a taksama Siarhiej Karakin i Višvanatan Anand.
«Padobnaje, što ja pavyšu siaredni ŭzrost udzielnikaŭ turniru i panižu siaredni rejtynh!» — napisaŭ z hetaj nahody ŭ svaim tvitary sam Hary Kasparaŭ, u jakoha ŭ dadzieny momant aficyjny rejtynh naohuł adsutničaje.
Hary Kasparaŭ staŭ čempijonam śvietu pa šachmatach u 1985 hodzie, pieramohšy ŭ histaryčnym matčy Anatola Karpava. Z tych časoŭ da 2006 hoda jon adnaasobna uznačalvaŭ rejtynh FIDE. Jaho rekordny rejtynh u 2851 bał, ustanoŭleny ŭ 1999 hodzie, byŭ pabity tolki ŭ 2013 hodzie Mahnusam Karłsenam.
Paśla zaviaršeńnia spartyŭnaj karjery Kasparaŭ zajaviŭ ab nieabchodnaści aktyŭnaha supraćdziejańnia palityčnamu režymu Uładzimira Pucina. U jakaści apazicyjnaha palityka Hary Kasparaŭ braŭ udzieł u stvareńni šerahu ruchaŭ i arhanizacyj, u pryvatnaści Abjadnanaha hramadzianskaha frontu i ruchu «Salidarnaść».
U kastryčniku 2012 hoda Kasparaŭ byŭ abrany ŭ Kaardynacyjnuju radu rasijskaj apazicyi.
U 2013 hodzie Hary Kasparaŭ nazaŭsiody pakinuŭ Rasiju, zajaviŭšy, što zrabiŭ heta z-za bojazi pieraśledu z boku ŭładaŭ. Jon pastajanna žyvie ŭ Ńju-Jorku, a taksama maje dom u Charvatyi, hramadzianstva jakoj jon atrymaŭ ŭ 2014 hodzie.
-
Biełaruski trenier Alaksiej Špileŭski atrymaje $265 tysiač za zvalnieńnie z rasijskaha kłuba-aŭtsajdara
-
Chakieist minskaha «Dynama» Vital Pinčuk pajšoŭ hulać u NCHŁ. Łukašenka spadziavaŭsia, što jon nie «źbiažyć»
-
Futbolny kłub u Niderłandach dušeŭna pravioŭ na piensiju pračku, što myła futbołki hulcoŭ 27 hadoŭ
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy34
Kamientary