Зборная Беларусі пацярпела пятую паразу на чэмпіянаце свету па хакеі. У пятніцу наша зборная прайграла па булітах гаспадарам спаборніцтваў зборнай Францыі з лікам 3:4 (0:1, 2:1, 1:1, 0:1).
Падапечныя Дэйва Льюіса прайгравалі 0:2, здолелі выйсці наперад 3:2, але не утрымаліся і прапусцілі шайбу ў другой палове трэцяга перыяда — 3:3. Затым быў авертайм і буліты, паспяхова пачатыя, але ў выніку прайграныя.
Нягледзячы на гэта адзін бал Беларусь заваявала.
У чатырох матчах перад гэтым беларусы пацярпелі паразы: Фінляндыя, 2:3; Чэхія, 1:6; Канада, 0:6; Швейцарыя, 0:3.
Канада — 12 (4 гульні), Чэхія — 10 (5), Швейцарыя — 9 (4), Нарвегія — 7 (4), Фінляндыя — 7 (4), Францыя — 7 (5), Беларусь — 1 (5), Славенія — 1 (5).
У суботу Беларусь згуляе са Славеніяй (17:15), а ў аўторак — з Нарвегіяй (13:15).
Славенцы сёння без варыянтаў прайгралі Чэхіі — 1:5.
Але выглядае, што матч са славенцамі стане самым галоўным, гэта будзе бітва за права застацца ў эліце. Параза адпраўляе нас ў ніжэйшы дывізіён
Таксама менавіта Славеніі на мінскім перадалімпійскім турніры беларусы саступілі пуцёўку на Алімпіяду-2018 у Рэспубліку Карэя.
Беларусы ў пяці мятчах забілі найменшую колькасць шайбаў 6 (менш толькі ў Італіі ў суседняй групе — 5), у славенцаў — 10 забітых, але альпійцы прапусцілі 27, тады як мы 22.
***
Год таму Беларусь на ЧС заняла 12-е месца (з 16 камандаў). Але перад гэтым — у 2014 і 2015 гадах — двойчы выходзіла ў 1/4 фіналу. У эліце Беларусь пастаянна выступае ад 2005 года
Цяпер чытаюць
Сёння Мінск прачнуўся ўначы ад гучнага гука, падобнага да дрона9
Каментары