Першыя чатыры валанцёры — двое мужчын і дзве жанчыны — уступілі ў пекінскі «Юэгун-1» («Храм Месяца-1») — сімулятар жыцця ў блізкіх да месяцовых умовах, паведамляюць інфармагенцтвы.
Валанцёры правядуць тут 60 дзён. Па сканчэнні гэтага тэрміну іх зменіць другая група валанцёраў, якая таксама складаецца з 2 мужчын і 2 жанчын. Ім трэба будзе правесці ў «Юэгун-1» 200 дзён. Затым першая група валанцёраў вернецца ў сімулятар яшчэ на 105 дзён.
Эксперымент пад кодавай назвай «Юэгун-365» дазволіць кітайскім навукоўцам зразумець, што патрабуецца для падтрымання жыцця чалавека на паверхні Месяца ў сярэдне- і доўгатэрміновай перспектыве.
Таксама будзе правераная працаздольнасць біярэгенератыўнай сістэмы жыццезабеспячэння, якая ўжо праходзіла паспяховыя 105-дзённыя выпрабаванні ў 2014 годзе. Гэтая сістэма дазваляе жывёлам, раслінам і мікраарганізмам суіснаваць. Вада і прадукты праходзяць перапрацоўку, у выніку ў сімулятары ўзнікаюць ўмовы, блізкія да зямных.
«Юэгун-1» уключае вялікую агульную кабіну плошчай 42 кв. м, у якую ўваходзяць спальныя месцы, пакой адпачынку, санвузел, абсталяванне перапрацоўкі адходаў і памяшканне па вырошчванні жывёл, і дзве кабіны-парнікі прыкладна па 50-60 кв. м.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца9
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары