У судзе Барысаўскага раёна 26 студзеня абвешчаны прысуд па справе аб атручэнні ўгарным газам шасці чалавек. Вінаватымі ў прычыненні смерці па неасцярожнасці прызнаныя два слесары аварыйна-ратавальнай службы мясцовага гаргаза. Яны прыгавораныя да чатырох гадоў абмежавання волі ў калоніі-пасяленні.
Трагедыя адбылася 26 студзеня 2016 года ў доме па вуліцы Дняпроўскай. Загінула сям'я з чатырох чалавек, якія жылі ў кватэры № 4, дзе былі праблемы з газавай калонкай. Угарны газ пайшоў па стаяку, у выніку чаго смяротнае атручэнне атрымала таксама сямейная пара пенсіянераў, якія жылі па суседстве.
У ходзе следства высветлілася, што жыхары кватэры № 4 звярталіся са скаргамі да газавікоў. На выклік за месяц да трагедыі прыязджалі абвінавачваныя Аляксей Лукаш і Аляксандр Чысцякоў. Паводле іх слоў, на момант агляду меліся неістотныя непаладкі, пагрозы ўцечкі газу яны не выявілі.
Пазіцыя абароны грунтавалася на двух фактарах: першы — трагедыя адбылася ў выніку перакульвання цягі ў кватэры № 4; другі — адсутнасць нармальнай вентыляцыі. Гэта прывяло да таго, што ўгарны газ трапіў у памяшканне. Акрамя таго, пры рамонце даху дома, дзе адбылося здарэнне, былі ўстаноўлены няправільныя вентыляцыйныя казыркі. На думку абвінавачваных, гэта таксама магло паўплываць на зыход аварыі.
Паводле версіі следства, няспраўнасць газавай калонкі прывяла да таго, што ўгарны газ распаўсюдзіўся па кватэры № 4. Няспраўнасць заключалася ў тым, што на паверхнях катла было смецце, тлушч і бруд — у 30 разоў вышэйшае за норму. Пачысціць прыладу павінны былі газавікі. Паколькі яны гэтага не зрабілі, адбылася трагедыя.
Суд палічыў пазіцыю абвінавачвання больш пераканаўчай і прыгаварыў Аляксея Лукаша і Аляксандра Чысцякова да чатырох гадоў абмежавання волі з накіраваннем у папраўчую ўстанову.
Варта адзначыць, што пацярпелыя не настойвалі на строгім пакаранні для фігурантаў справы.
Як паведаміла памочнік старшыні суда Барысаўскага раёна Зоя Гаравенка, больш за 120 тысяч рублёў спагнана з «Мінаблгаза» ў якасці кампенсацыі маральнай шкоды пацярпелым.
Прысуд законную сілу не набыў і можа быць абскарджаны.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары