Лось быў заўважаны на тэрыторыі Шчомысліцкага сельсавета пад Мінскам. Жывёлу шукаюць, каб вярнуць у свой лес. Пра гэта карэспандэнту БелТА паведаміла начальнік Мінскай раённай інспекцыі прыродных рэсурсаў і аховы навакольнага асяроддзя Кацярына Паляшчук.
Лось перыядычна выходзіць з лесу, яго заўважаюць мясцовыя жыхары, бачаць сляды, ёсць відэа.
«Пра жывёлу стала вядома ў пятніцу, 13 студзеня. Лось падышоў да горада, як мяркуецца, з памежных зямель лясгасаў. На дадзены момант жывёла блукае ў раёне помніка прыроды Шчомысліцкая дуброва. Атрымліваецца, што, з аднаго боку, тэрыторыя абмежаваная аўтамабільнай дарогай, а з другога — чыгункай. Жывёла не наважваецца самастойна пакінуць гэтую зону», — адзначыла Кацярына Паляшчук.
Спецыяльна створанай камісіі пры Мінскім райвыканкаме трэба будзе вызначыць, ці ёсць пагроза для лася або для людзей, у якім стане жывёла. У залежнасці ад гэтага будзе абраны спосаб транспарціроўкі. Калі лось здаровы, то адзін з варыянтаў — усыпіць жывёлу транквілізатарам і перавезці.
Глядзіце таксама: Пад Мінскам блукае не лось, а ласіха НОВЫЯ ФОТЫ
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу23
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4545
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ45
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары