Стваральнік кінасагі «Зорныя войны» Джордж Лукас вызначыўся з месцам для будаўніцтва ўласнага музея кіно, які сам рэжысёр вырашыў назваць Музеем мастацтва апавядання. Будынак музея ўзвядуць у Лос-Анджэлесе, паведамляе ВВС.
Першапачаткова музей планавалася пабудаваць на беразе возера Мічыган у Чыкага, аднак праект не спадабаўся мясцовым экалагічным актывістам. Яны арганізавалі масавыя пратэсты супраць будаўніцтва, і пад іх ціскам Лукас пагадзіўся перанесці музей у іншы горад.
Пасля гэтага архітэктары падрыхтавалі адразу дзве канцэпцыі музея — для Лос-Анджэлеса і Сан-Францыска. У выніку пасля доўгага абмеркавання сам Лукас зрабіў выбар на карысць Лос-Анджэлеса. Будынак пабудуюць у паркавай зоне на поўдні мегаполіса.
У гэтым месцы ў 1932-м і 1984 гадах праводзіліся летнія Алімпіяды. Акрамя таго, яно размешчанак непадалёк ад некалькіх гістарычных славутасцяў і ад універсітэта, у кінашколе якога Лукас вучыўся ў 1970-я гады.
Мэр горада Эрык Гарсэці ўжо назваў Лос-Анджэлес ідэальным месцам для музея і прызнаўся, што гарадскія ўлады былі вельмі зацікаўленыя ў атрыманні гэтага праекта. Фінансаваць будаўніцтва будзе сам Лукас, і гэта будзе каштаваць яму больш чым мільярд даляраў.
Канцэпцыя музея прадугледжвае актыўнае выкарыстанне візуальных вобразаў. Экспазіцыя будзе ўключаць мноства фатаграфій, відэаролікаў і фільмаў. Яна будзе налічваць тысячы прадметаў, адабраных з асабістай калекцыі Лукаса.
У музеі выставяць арыгінальныя прадметы, якія выкарыстоўваліся ў працэсе здымак не толькі «Зорных войнаў», але і іншых легендарных галівудскіх фільмаў, такіх як «Чараўнік краіны Оз» або «Касабланка».
Акрамя рэквізіту са здымачных пляцовак, наведвальнікам пакажуць працы Рэнуара і Дэга, а таксама амерыканскіх мастакоў Максфілда Пэрыша і Нормана Рокуэла. Сам Лукас тлумачыў, што хоча размыць у сваім музеі мяжу паміж высокім мастацтвам і масавай культурай.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары