Мітрапаліт Павел павіншаваў Лукашэнку з днём анёла — Днём памяці Аляксандра Неўскага
Мітрапаліт Мінскі і Заслаўскі Павел, Патрыяршы Экзарх усёй Беларусі павіншаваў Аляксандра Лукашэнку з днём памяці дабравернага князя Аляксандра Неўскага. Тэкст віншавання размешчаны на афіцыйным партале Беларускай праваслаўнай царквы.
Святы верны князь Аляксандр увасобіў у сваім жыцці евангельскі ідэал любові. Імя гэтага ўгодніка Боскага ў свядомасці народа звязана з глыбокім патрыятызмам, гатоўнасцю да любых подзвігаў у імя інтарэсаў сваёй Радзімы. Асабістай пабожнасцю і самаадданым служэннем Айчыне святой Аляксандр здабыў багацце ласкі Божай, і дабратворнасць зрабіла яго непераможным для ворагаў і не па гадах мудрым дзяржаўным кіраўніком, гаворыцца ў віншаванні.
«Вам уласцівая такая ж самаадданасць у служэнні роднай Айчыне і ўсяму беларускаму народу,— падкрэсліваецца ў віншаванні. — Перыяд Вашага мудрага кіраўніцтва на пасадзе кіраўніка дзяржавы характарызуецца ўстойлівым развіццём усіх галін краіны.
Прыемна, што гэты перыяд адзначаны для Беларускай праваслаўнай царквы адраджэннем разбураных святынь, ажыццяўленнем ў жыццё маштабных праектаў і царкоўна-грамадскіх ініцыятыў, накіраваных на зацвярджэнне духоўна-маральных каштоўнасцяў і захаванне культурнай спадчыны краіны».
Мітрапаліт Павел пажадаў кіраўніку беларускай дзяржавы моцнага здароўя, дабрабыту і Божай дапамогі ў адказных трудах.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары