Надзею Саўчанка не пусцілі праз беларуска-расійскую мяжу пад Смаленскам
Украінская дэпутатка Надзея Саўчанка прыехала ў Маскву на слуханні па справе ўкраінцаў Мікалая Карпюка і Станіслава Клыха, асуджаных у Расіі па абвінавачванні ва ўдзеле ў баявых дзеяннях на баку чачэнскіх сепаратыстаў у 1990-х гадах.
Як выявілася, у Маскву Саўчанка трапіла з другой спробы. Як паведамляе ў фэйсбуку адвакат Ілля Новікаў, у аўторак вечарам яна на аўтамабілі спрабавала перасекчы дзяржмяжу ў Смаленскай вобласці.
Памежнікі спынілі яе і сталі цікавіцца мэтай візіту ў Расійскую Федэрацыю, таму што раней Саўчанка была асуджаная за «здзяйсненне асабліва цяжкіх злачынстваў супраць грамадзян Расіі». Супрацоўнікі КПП не прапусцілі Саўчанка праз дзяржмяжу, бо яна адмовілася ў поўным аб'ёме паведаміць інфармацыю аб мэтах свайго візіту ў Расію, а таксама адмовілася чакаць, пакуль праваахоўнікі высвятляць усе акалічнасці па сваіх каналах.
Зразумеўшы, што разбіральніцтвы могуць зацягнуцца, Саўчанка адправілася ў Мінск, дзе купіла квіткі на найбліжэйшы самалёт да Масквы. Прыкладна ў 07:35 яна ўжо прайшла пагранічны кантроль. Шарамецьеўскія памежнікі не знайшлі падстаў для забароны ўезду.
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе5
Каментары