Злодзеі выкралі спартыўную экіпіроўку футбольнага клуба «Неа Саламіна» з кіпрскага горада Фамагуста. Каманда аказалася ў цяжкім становішчы перад наступнай гульнёй.
Як кажа кіраўніцтва клуба, у Ларнацы з распранальні былі выкрадзеныя 70 пар буцаў і чатыры пары брамавых пальчатак.
Кожная пара абутку каштуе каля 200 еўра, а пальчаткі — каля 100 еўра. Агульны кошт выкрадзенага перавышае 14 тысяч еўра.
Паліцыя мяркуе, што злодзеі забраліся ў распранальню праз акно душавога пакоя.
Наступны матч «Неа Саламіна» павінен правесці ў нядзелю супраць клуба «Арысая» з горада Лімасол. Адміністрацыя клуба пакуль не можа сказаць, у чым футбалісты выйдуць на поле.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць28
Каментары