Расія сцвярджае, што доўг Беларусі за газ вырас да 270 мільёнаў даляраў
Доўг Беларусі за пастаўкі газу з Расіі дасягнуў 270 мільёнаў даляраў, паведаміў міністр энергетыкі РФ Аляксандр Новак у інтэрв'ю агенцтву Reuters.
«Беларусь вінная «Газпрому» больш за 270 мільёнаў даляраў за пастаўкі газу», — паведаміў расійскі міністр у інтэрв'ю.
«Прайшлі перамовы паміж прэм'ер-міністрамі (Дзмітрыем Мядзведзевым і Андрэем Кабяковым), былі дадзены ўказанні працягваць перамовы ў бліжэйшыя дні і шукаць кампраміс. Наша пазіцыя такая: даўгі павінны быць выплачаныя», — заявіў Новак.
Нафтагазавы канфлікт паміж Беларуссю і Расіяй разгарэўся сёлета.
У сувязі з сусветным падзеннем цэнаў на энерганосьбіты Мінск лічыць справядлівай цану на расійскі газ памерам 73 даляраў за 1 тыс. Кубаметраў. Цяпер цана на газ для Беларусі складае 132 даляры за 1000 кубаметраў. У Расіі патрабуюць у Беларусі захаванне дзейнага кантракту - па апошніх дадзеных.
У красавіку беларуская «дачка» «Газпрома» звярнулася ў Міжнародны арбітражны суд пры Беларускай гандлёва-прамысловай палаце з пазовамі да газазабеспячальных арганізацый Беларусі ў сувязі з наяўнасцю запазычанасці з боку аблгазаў па аплаце пастаўленага прыроднага газу.
-
«Санта Брэмар» хоча адсудзіць правы на брэнд у вядомага расійскага вытворцы, якога прызналі экстрэмісцкім за падтрымку УСУ
-
Амерыканскаму ўласніку парку «Сула», выхадцу з Беларусі, прадалі будынкі былога яўрэйскага гета ў Навагрудку
-
Губернатар Прыморскага краю РФ расказаў, што там з будаўніцтвам беларускага порта
Каб не плаціць падатак на сабак, мінчукі пачалі здаваць іх у пункты адлову25
Каментары