«У якасці асноўных ворагаў яны бачаць Расійскую Федэрацыю і Рэспубліку Беларусь», — сцвярджае дзяржсакратар Рады бяспекі.
Дзяржсакратар Рады бяспекі Аляксандр Вальфовіч заявіў, што Еўропа рыхтуецца да вайны ў 2030 годзе.
«Захад адкрыта рыхтуецца да вайны. Ва ўсіх стратэгічных дакументах або дакументах стратэгічнага планавання Захаду закладваецца пачатак вайны на еўрапейскім кантыненце на 2030 год. Яны гэта закладваюць. На гэта нацэлены ўсе іх ваенныя бюджэты. Гэта агрэсіўная мілітарыстычная палітыка Захаду, якая накіравана сёння як раз на падрыў міру і бяспекі.
У якасці асноўных ворагаў яны бачаць Расійскую Федэрацыю і Рэспубліку Беларусь, хоць выдатна гэта бачаць тымі разгорнутымі сіламі і сродкамі разведкі, якія разгорнутыя ўздоўж межаў, што ніякай пагрозы з тэрыторыі Рэспублікі Беларусь, з тэрыторыі заходніх рэгіёнаў Расійскай Федэрацыі ў адносінах да нашых заходніх партнёраў няма і быць не можа», — цытуе Вальфовіча СТБ.
Каментары