Беларусы прайгралі 5:6. На трыбунах былі бел-чырвона-белыя сьцягі.
Чэмпіянат сьвету па хакеі стартаваў у Галіфаксе і Квэбэку (Канады).
Фаварыты – чэхі, канадцы, амэрыканцы, славакі, расейцы, фіны і швэды выйгралі свае першыя матчы.
Беларусы ў драматычным матчы прайгралі швэдам 5:6, хоць гульня йшла на роўных.
Нашы прайгравалі 0:2, потым тройчы вырываліся наперад (3:2, 4:3, 5:4). Трэці пэрыяд пачынаўся пры ліку 4:4, але ўрэшце скандынавы аказаліся больш удачлівымі. Замена варатара Віталя Коваля шостым палявым гульцом на апошняй хвіліне трэцяга пэрыяду не памагла.
Хроніка матчу: 0:1 — Юхансан (4), 0:2 — Бакстрам (13), 1:2 — Касьцючонак (19), 2:2 — Задзялёнаў (23), 3:2 — Угараў (24), 3:3 — Горнквіст (27), 4:3 — Журык (36), 4:4 — Нільсан (38), 5:4 — Мялешка (41), 5:5 — Горнквіст (44), 5:6 — Валін (51).
Наступны матч наша каманда згуляе 5 мая з Швайцарыяй. На лёд павінен выйсьці наш наймацнейшы абаронца Руслан Салей.
Тэлекамэра спынялася на гуртах беларускіх фанаў на трыбунах. Адны зь іх трымалі чырвона-зялёныя, другія — бел-чырвона-белыя сьцягі і вялікі транспарант «Беларусь, наперад».
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары